Hóptímar í Kópavogi og Hafnarfirði byrja aftur mánudaginn 24. ágúst. Glæsilegar nýjar stundaskrár verða auglýstar þegar nær dregur.

Kveðja, starfsfólk.

Kæru viðskiptavinir. Það verður lokað í Salalaug mánudaginn 3. ágúst, á frídegi verslunarmanna en opið í Sundlaug Kópavogs frá kl. 8-18.

Með kveðju, starfsfólk GYM heilsu.

Opið verður í Sundlaug Kópavogs og Salalaug þann 17. júní frá kl. 8:00-18:00. Þann 19. júní loka mannvirkin kl. 12:30.

Verið velkomin, starfsfólk GYM heilsu.

 

Kópavogsbær og GYM heilsa hafa stóraukið opnunartíma í sundlaugum bæjarins á árinu 2015. Nú er opið nær alla daga ársins (a.m.k. í annarri sundlauginni).

Páskaopnun o.fl. dagar 2015 í Sundlaugum Kópavogs og Hafnarfirði.

		Salalaug		Sundlaug Kópavogs		Suðurbæjarlaug
2. apríl – skírdagur		kl. 8-18		Lokað		kl. 8-17
3. apríl – föstud. Langi		Lokað		kl. 8-18		Lokað
4. apríl – laugardagur		kl. 8-18		kl. 8-18		kl. 8-18
5. apríl – páskadagur		Lokað		kl. 8-18		Lokað
6. apríl – annar í páskum		kl. 8-18		Lokað		kl. 8-17
23. apríl – sumard. fyrsti		kl. 8-18		kl. 8-18		kl. 8-17
1. maí		kl. 8-18		Lokað		Lokað
14. maí – uppstigningad.		Lokað		kl. 8-18		ÓVÍST
24. maí – hvítasunnud.		kl. 8-18		kl. 8-18		ÓVÍST
25. maí		kl. 8-18		kl. 8-18		ÓVÍST

 

Ath. Hóptímar í Sundlaug Kópavogs og Suðurbæjarlaug falla niður á rauðum dögum. Páskahelgina 2. apríl til og með 6. apríl falla allir hóptímar niður í báðum sundlaugum alla dagana nema eftirfarandi:

Laugardaginn 4. april verða eftirfarandi tímar í Sundlaug Kópavogs:

Kl. 10:15  Spinning

Kl. 11:15  Zumba

Og í Suðurbæjarlaug verður spinning kl. 10:30

 

Samkvæmt verðkönnun DV um miðjan janúar eru árskortin hjá GYM heilsu langódýrust. Í könnuninni kemur fram að árskortin í Kópavogi (sem nú eru á tilboðsverði á aðeins kr. 37.990,-) eru tugum þúsunda ódýrari en hjá samkeppnisaðilum GYM heilsu. Það er því ljóst að neytendur geta sparað sér háar fjárhæðir með því að velja GYM heilsu.

Yfirlýsing eigenda Gym heilsu vegna ummæla Björns Leifssonar

Eigendur Gym heilsu sjá sig knúna til að leiðrétta rangfæslur Björns Leifssonar eigenda World Class í viðtali við Kfrettir.is þann 12.04.14, viðtalið er einnig á heimasíðu worldclass.is.

Í viðtalinu talar Björn um að viðskiptavinir World Class séu að niðurgreiða rekstur Gym heilsu í sundlaugum Kópavogs. Slíkt er að sjálfsögðu alrangt. Hann fullyrðir einnig að Gym heilsa ætli sér að hækka verð á kortum verulega  og að verðmunur á korti Gym heilsu og World Class verði einungis um 1000 kr. á mánuði. Þetta er að sjálfsögðu ekki rétt og afar alvarlegt mál að Björn sé að breiða út slík ósannindi til Kópavogsbúa og viðskiptavina Gym heilsu.

Gym heilsa hefur verið rekið á sömu kennitölu frá stofnun fyrirtækisins árið 1997. Fyrirtækið er 100% í eigu íslenskra aðila. Markmið fyrirtækisins frá upphafi hefur verið að gefa öllum þeim sem vilja stunda líkamsrækt og sund við bestu mögulegu aðstæður, tækifæri á því óháð efnahag. Þetta fyrirkomulag hefur verið afar farsælt fyrir alla aðila.

Gym heilsa býður verð á árskortum sem enginn annar á markaðnum býður og því er ljóst að ef fyrirtækið verður ekki áfram með rekstur í sundlaugum bæjarins, þá þýðir það tugþúsunda hækkun á kortum fyrir neytendur.

Kveðja,  f.h. Gym heilsu

Kjartan Már Hallkelsson og Guðrún Benediktsdóttir eigendur Gym heilsu

 

Yfirlýsing eigenda Gym heilsu vegna útboðs í sundlaugum Kópavogs

Gym heilsa hefur verið rekið á sömu kennitölu frá stofnun fyrirtækisins árið 1997. Fyrirtækið er 100% í eigu íslenskra aðila. Markmið fyrirtækisins frá upphafi hefur verið að gefa öllum þeim sem vilja stunda líkamsrækt og sund við bestu mögulegu aðstæður tækifæri á því óháð efnahag. Þetta fyrirkomulag hefur verið afar farsælt fyir alla aðila, Kópavogsbæ, Gym heilsu og ekki síst neytendur.

Nú er í gangi útboð varðandi rekstur beggja heilsuræktanna í sundlaugum Kópavogs. Kópavogsbær hefur 6 vikur frá opnun útboðsgagna til að tilkynna um niðurstöðurnar (það verður væntanlega í maí byrjun). Gym heilsa vonar sannarlega að niðurstaðan verði neytendum í hag og þeir muni áfram hafa fjölbreytta valmöguleika varðandi líkamsrækt og heilbrigða samkeppni á markaðnum. Gym heilsa býður verð á árskortum sem enginn annar á markaðnum getur boðið og því er ljóst að ef fyrirtækið verður ekki áfram með rekstur í sundlaugum bæjarins þá þýðir það tugþúsunda hækkun á kortum fyrir neytendur.

Gym heilsa hefur fengið ómetanlegan stuðning frá ykkur kæra fólk í þessari baráttu og kunnum við ykkur bestu þakkir fyrir. Gym heilsa mun halda áfram baráttunni með ykkur á fullum krafti á heiðarlegan og  lögmætan hátt.

Kveðja,  f.h. Gym heilsu

Kjartan Már Hallkelsson og Guðrún Benediktsdóttir eigendur Gym heilsu