Á  laugardag og sunnudag verður opið frá 08-20.00 bæði í Salalaug og Sundlaug Kópvogs en á mánudag verður lokað í Salalaug en opið 08-18 í Sundlaug Kópavogs. Góða verslunarmannahelgi kveðja, starfsfólk GYM heilsu.

þriðjudaginn 1 júlí verður Sundlaug Kópavogs lokuð en opið verður í heilsuræktinni. Athugið að ekki verður hægt að fara í sturtu þar sem heitavatnslaust verður í lauginni.

Minnum á að hóptímar fara í sumarfrí í Sundlaug Kópavogs frá og með föstudeginum 5 júlí og í Suðurbæjarlaug frá og með miðvikuudeginum 3 júlí.

Hóptímar byrja aftur í ágúst og verða vel auglýstir.

Starfsfólk GYM heilsu hvetur ykkur til að vera dugleg í sumar og æfa vel. Njótið sumarsins og haldið áfram að mæta vel í ræktina og einnig að hreyfa ykkur úti, það skilar árangri kveðja, starfsfólk.

Uppstigningadagur 29. maí. Lokað í Sundlaug Kópavogs, opið í Salalaug 8-18.

Hvítasunnudagur  og annar í hvítasunnu 8-9 maí, opið í báðum laugum 8-18

17. júní lokað í báðum laugum.

 

Vegna viðhaldsverkefni í Sundhöll Selfoss verður mannvirkið lokað dagana 2-6. júní 2014. Minnum á að hægt er að nota aðrar Gym heilsu stöðvar gegn greiðslu aðgangseyris í sund á viðkomandi stað.

Bæjarlögmanni Kópavogs hefur verið falið að leita heimildar Samkeppniseftirlits að fresta útboði á líkamsrækt við sundlaugar Kópavogs á meðan bærinn hefur markað sér lýðheilsustefnu. Nýtt útboð taki svo mið af lýðheilsustefnu bæjarins svo bæjarbúar geti notið líkamsræktar á sem hagstæðasta verði.

Yfirlýsing eigenda Gym heilsu vegna ummæla Björns Leifssonar

Eigendur Gym heilsu sjá sig knúna til að leiðrétta rangfæslur Björns Leifssonar eigenda World Class í viðtali við Kfrettir.is þann 12.04.14, viðtalið er einnig á heimasíðu worldclass.is.

Í viðtalinu talar Björn um að viðskiptavinir World Class séu að niðurgreiða rekstur Gym heilsu í sundlaugum Kópavogs. Slíkt er að sjálfsögðu alrangt. Hann fullyrðir einnig að Gym heilsa ætli sér að hækka verð á kortum verulega  og að verðmunur á korti Gym heilsu og World Class verði einungis um 1000 kr. á mánuði. Þetta er að sjálfsögðu ekki rétt og afar alvarlegt mál að Björn sé að breiða út slík ósannindi til Kópavogsbúa og viðskiptavina Gym heilsu.

Gym heilsa hefur verið rekið á sömu kennitölu frá stofnun fyrirtækisins árið 1997. Fyrirtækið er 100% í eigu íslenskra aðila. Markmið fyrirtækisins frá upphafi hefur verið að gefa öllum þeim sem vilja stunda líkamsrækt og sund við bestu mögulegu aðstæður, tækifæri á því óháð efnahag. Þetta fyrirkomulag hefur verið afar farsælt fyrir alla aðila.

Gym heilsa býður verð á árskortum sem enginn annar á markaðnum býður og því er ljóst að ef fyrirtækið verður ekki áfram með rekstur í sundlaugum bæjarins, þá þýðir það tugþúsunda hækkun á kortum fyrir neytendur.

Kveðja,  f.h. Gym heilsu

Kjartan Már Hallkelsson og Guðrún Benediktsdóttir eigendur Gym heilsu

 

Yfirlýsing eigenda Gym heilsu vegna útboðs í sundlaugum Kópavogs

Gym heilsa hefur verið rekið á sömu kennitölu frá stofnun fyrirtækisins árið 1997. Fyrirtækið er 100% í eigu íslenskra aðila. Markmið fyrirtækisins frá upphafi hefur verið að gefa öllum þeim sem vilja stunda líkamsrækt og sund við bestu mögulegu aðstæður tækifæri á því óháð efnahag. Þetta fyrirkomulag hefur verið afar farsælt fyir alla aðila, Kópavogsbæ, Gym heilsu og ekki síst neytendur.

Nú er í gangi útboð varðandi rekstur beggja heilsuræktanna í sundlaugum Kópavogs. Kópavogsbær hefur 6 vikur frá opnun útboðsgagna til að tilkynna um niðurstöðurnar (það verður væntanlega í maí byrjun). Gym heilsa vonar sannarlega að niðurstaðan verði neytendum í hag og þeir muni áfram hafa fjölbreytta valmöguleika varðandi líkamsrækt og heilbrigða samkeppni á markaðnum. Gym heilsa býður verð á árskortum sem enginn annar á markaðnum getur boðið og því er ljóst að ef fyrirtækið verður ekki áfram með rekstur í sundlaugum bæjarins þá þýðir það tugþúsunda hækkun á kortum fyrir neytendur.

Gym heilsa hefur fengið ómetanlegan stuðning frá ykkur kæra fólk í þessari baráttu og kunnum við ykkur bestu þakkir fyrir. Gym heilsa mun halda áfram baráttunni með ykkur á fullum krafti á heiðarlegan og  lögmætan hátt.

Kveðja,  f.h. Gym heilsu

Kjartan Már Hallkelsson og Guðrún Benediktsdóttir eigendur Gym heilsu

Starfsmenn Gym heilsu verða á FIBO, stærstu heilsuræktarsýningu heimsins sem haldin er ár hvert í Þýskalandi, dagana 3-5 apríl 2014. Við verðum því að fella niður alla hóptíma í Sundlaug Kópavogs og Suðurbæjarlaug þessa daga. Vonum að þið sýnið þessu skilning kveðja, starfsfólk Gym heilsu.

Gym heilsa er með samning um rekstur heilsuræktarstöðvanna í sundlaugum Kópavogs til 1. mars 2015. Bæjarfélagið er skyldugt til að bjóða út reksturinn á X ára fresti og mun því hafa útboð fljótlega varðandi reksturinn. Gym heilsa getur því ekki selt kort sem gilda lengur en til 1. mars 2015 á meðan óvissa ríkir um framhaldið.

Gym heilsa mun sækjast eftir því að halda áfram rekstri í báðum sundlaugunum í Kópavogi.

 

Verðskrá í mars 2014 verður því eftirfarandi:

Verð á korti	Endurnýjun	Hjónakort	60 plús, gilda fyrir kl 15:00	Grunnskólakort
38.990 kr.	32.990 kr.	69.980 kr.	27.490 kr.	23.990 kr.

 

Kort keypt í mars 2014 gilda í 11. mánuði frá útgáfudegi.

Gym heilsa biðst velvirðingar á þeim óþægindum sem þetta kann að valda viðskiptavinum í Kópavogi.

 

Gym heilsa er nýtt nafn á heilsuræktarstöðvum sem áður báru nafnið Actic/Nautilus. Á þessum tímamótum höfum við tekið í notkun nýja vefsíðu fyrirtækisins. Rétt er að ítreka að nafnaskiptin koma til vegna réttindamála og er fyrirtækið eftir sem áður rekið á sömu kennitölu og frá upphafi.

Verið velkomin í frían prufutíma hjá okkur.

Með kveðju,

Starfsfólk Gym heilsu.